ಚಿತ್ತಾಪುರ ಲಾರಿ ಮಾಲೀಕರ ಅಸೋಸಿಯೇಷನ್ ಉದ್ಘಾಟನೆ
ಟ್ರಾನ್ಸಪೋಟರ್ಸ್ ಗಳು ನಮ್ಮ ಬಿಜಿನೆಸ್ ಪಾರ್ಟನರ್ ಇದ್ದಂತೆ: ಸತ್ಯಭರ್ತ್ ಶರ್ಮಾ
ನಾಗಾವಿ ಎಕ್ಸಪ್ರೆಸ್
ಚಿತ್ತಾಪುರ : ತಾವುಗಳು ಟ್ರಾನ್ಸಪೋಟರ್ಸ್ ಗಳಲ್ಲ, (ಸಾಗಣೆದಾರು ಅಲ್ಲ) ನಮಗೆ ನೀವು ಪಾರ್ಟನರ‍್ಸ್, ಬೇರೆ ಬೇರೆ ಕಂಪನಿಗಳು ನಿಮಗೆ ಟ್ರಾನ್ಸಪೋಟರ್ಸಗಳೆಂದು ತಿಳಿದುಕೊಳ್ಳಬಹುದು, ಆದರೆ ನಾವು ನಿಮಗೆ ಬಿಜಿನೆಸ್ ಪಾರ್ಟನರ್ ಎಂದು ತಿಳಿದುಕೊಳ್ಳುತ್ತೇವೆ ಎಂದು ಓರಿಯಂಟ್ ಸಿಮೆಂಟ್ ಕಂಪನಿಯ ಪ್ಲಾಂಟ್ ಮುಖ್ಯಸ್ಥ ಸತ್ಯಭರ್ತ್ ಶರ್ಮಾ ಹೇಳಿದರು.
ಪಟ್ಟಣದಲ್ಲಿ ಚಿತ್ತಾಪುರ ಲಾರಿ ಮಾಲೀಕರ ಸಂಘದ ಕಚೇರಿಯನ್ನು ಉದ್ಘಾಟನೆ ನೆರವೇರಿಸಿ ಮಾತನಾಡಿದ ಅವರು, ನಾನು ಲಾರಿ ಮಾಲೀಕರ ಸಂಘದ ತಾಲೂಕು ಘಟಕ ಮತ್ತು ಅದರ ಕಚೇರಿಯನ್ನು ಉದ್ಘಾಟನೆ ಮಾಡುತ್ತಿರುವುದು ನನಗೆ ಖುಷಿಯಾಗುತ್ತಿದೆ. ಈ ಸಂಘ ಸ್ವಾರ್ಥಕ್ಕಾಗಿ ಅಲ್ಲ ಎಲ್ಲರ ಒಳ್ಳೆಯದಕ್ಕೆ ಇರುತ್ತೆ, ಭವಿಷ್ಯದಲ್ಲಿ ಸಂಘದ ಮೂಲಕ ಲಾರಿ ಮಾಲೀಕರಿಗೆ ಸಂಕಷ್ಟದಲ್ಲಿ ಸಹಾಯ ಮಾಡುವ ಉದ್ದೇಶಕ್ಕಾಗಿ ಆಸೋಸಿಯೇಶನ್ ಮಾಡಿದ್ದು, ಇದಕ್ಕಿಂತ ಒಳ್ಳೆಯ ಕೆಲಸ ಬೇರೆ ಇಲ್ಲ, ಸಂಘದ ಉದ್ದೇಶವನ್ನು ಯಶಸ್ವಿಯಾಗಲಿ ಎಂದು ಶುಭಹಾರೈಸಿದರು.
ಲಾರಿ ಮಾಲೀಕರ ಅಸೋಸಿಯೇಶನ್‌ನವರಿಗೆ ನಮ್ಮ ಸಹಕಾರ ಯಾವಾಗಲೂ ಇರುತ್ತೆ ಯಾವುದೇ ರೀತಿಯ ಸಮಸ್ಯೆ ಆದಾಗ ಯೋಚಿಸದೇ ಬನ್ನಿ ಅದನ್ನು ಪರಿಹಾರ ನೀಡುವ ನಿಟ್ಟಿನಲ್ಲಿ ನಾವು ಪ್ರಾಮಾಣಿಕವಾಗಿ ಪ್ರಯತ್ನ ಮಾಡುತ್ತೇವೆ ಎಂದು ಭರವಸೆ ನೀಡಿದರು.
ಬಿಜೆಪಿ ತಾಲೂಕು ಅಧ್ಯಕ್ಷ ರವೀಂದ್ರ ಸಜ್ಜನಶೆಟ್ಟಿ ಮಾತನಾಡಿ, ಲಾರಿ ಮಾಲೀಕರ ಸಂಘ ಯಾವಾಗಲೂ ಒಗ್ಗಟಾಗಿ ಇರಬೇಕು, ಒಳ್ಳೆಯ ಕೆಲಸ ಮಾಡಿದರೆ ಸಂಘಕ್ಕೂ ಕೂಡ ಒಳ್ಳೆಯ ಹೆಸರು ಬರುತ್ತೆ, ನಮ್ಮ ಸಹಕಾರ ನಿಮ್ಮ ಜೊತೆ ಇರುತ್ತೆ ಎಂದು ಹೇಳಿದರು.
ಅಬ್ದುಲ್ ರಹೀಂ ಸಗರಿ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಕಾರ್ಯಕ್ರಮದಲ್ಲಿ ಲಾರಿ ಅಸೋಸಿಯೇಷನ್ ಜಿಲ್ಲಾಧ್ಯಕ್ಷ ಪ್ರಕಾಶ ಕೆಎಂಜಿ, ಉಪಾಧ್ಯಕ್ಷ ಅಬ್ದುಲ್ ರಶೀದ, ಕಾರ್ಯದರ್ಶಿ ಹುಲಿರಾಜ ಕಾಜಳೆ ಮಾತನಾಡಿದರು.
ಸಂಘದ ನೂತನ ಪದಾಧಿಕಾರಿಗಳು :
ಲಾರಿ ಮಾಲೀಕರ ಸಂಘದ ತಾಲೂಕು ಅಧ್ಯಕ್ಷ ಅಬ್ದುಲ್ ಮನ್ನನ್, ಉಪಧ್ಯಕ್ಷರಾಗಿ ಶೇಖ್ ನಿಯಾಜ್ ಡಕಾರೆ, ಕಾರ್ಯದರ್ಶಿ ಸುನೀಲ್ ಚೌದರಿ, ಸಹ ಕಾರ್ಯದರ್ಶಿ, ಕಾಶಪ್ಪ ಭೈರಿ, ಖಜಾಂಚಿ ಹಸನ್ ಪಟೇಲ (ಮುನ್ನಾ), ಸದಸ್ಯರಾದ, ಸೈಯದ್ ಮಜರ್ ಉಲ್ ಹಸನ್, ಖಾಸೀಂ ಎಟುಝಡ್, ಆಶೋಕ ಗುತ್ತೇದಾರ, ಮಹೇಶಕುಮಾರ, ಚೌದರಿ, ಮಹ್ಮದ ವಾಸೀಂ, ನಾಗರಾಜ ಭೋವಿ ಅವರು ಆಯ್ಕೆಯಾಗಿದ್ದಾರೆ. ನಂತರ ಎಲ್ಲಾ ಪದಾಧಿಕಾರಿಗಳಿಗೆ ಸನ್ಮಾನಿಸಲಾಯಿತು.
ಕಾರ್ಯಕ್ರಮದಲ್ಲಿ ಸಂಘದ ಗೌರವಾಧ್ಯಕ್ಷ ಸಾದೀಕ್ ಸೇಠ, ಪ್ರಮುಖರಾದ ಸೈಯದ್ ಜಫರುಲ್ ಹಸನ್, ಅಬ್ದುಲ್ ಕಲೀಂ, ನಜೀರ್ ಅಡಕಿ, ಮಹಮ್ಮದ್ ಯೂನುಸ್, ಖಾಸೀಂ ಎಟುಝಡ್, ಖಾಜಾ ಪಾಶಾ ಲಿಮರಾ, ಸದ್ದಾಂ ಹುಸೇನ್, ಶ್ರೀನಿವಾಸ ರಡ್ಡಿ ಸೇರಿದಂತೆ ಇತರರು ಉಪಸ್ಥಿತರಿದ್ದರು. ಸೈಯದ್ ಅತೀಕ್ ಅವರು ಕಾರ್ಯಕ್ರಮವನ್ನು ನಿರೂಪಿಸಿದರು.
“ಚಿತ್ತಾಪುರ ಲಾರಿ ಮಾಲೀಕರ ಅಸೋಸಿಯೇಷನ್ ಅಧ್ಯಕ್ಷರನ್ನಾಗಿ ನನಗೆ ಮಾಡಿದ್ದು ಸಂತೋಷ ತಂದಿದ್ದೆ. ಇನ್ನೊಂದು ಕಡೆ ಲಾರಿ ಮಾಲೀಕರ ಸಂಘ ನನ್ನ ಮೇಲೆ ಇಟ್ಟಿರುವ ವಿಶ್ವಾಸಕ್ಕೆ ಧಕ್ಕೆ ಬರದಂತೆ ನೋಡಿಕೊಂಡು, ಸಂಘದಲ್ಲಿ ಪ್ರತಿಯೊಬ್ಬರನ್ನು ವಿಶ್ವಾಸಕ್ಕೆ ತೆಗೆದುಕೊಂಡು ಹಿರಿಯರ ಮಾರ್ಗದರ್ಶನದಲ್ಲಿ ಭವಿಷ್ಯದಲ್ಲಿ ಒಳ್ಳೆಯ ಕೆಲಸ ಮಾಡುತ್ತೇನೆ”.-ಅಬ್ದುಲ್ ಮನ್ನನ್ ಅಧ್ಯಕ್ಷರು ಲಾರಿ ಮಾಲೀಕರ ಅಸೋಸಿಯೇಷನ್ ಚಿತ್ತಾಪುರ.