ದಿ.ರಾಮದಾಸ ಚವ್ಹಾಣ ಪ್ರಥಮ ಪುಣ್ಯಸ್ಮರಣೆ: ವಿದ್ಯಾರ್ಥಿಗಳಿಗೆ ನೋಟ್ ಬುಕ್ ಪೆನ್ನು, ವೃದ್ಧರಿಗೆ ಬಟ್ಟೆ ವಿತರಣೆ
ನಾಗಾವಿ ಎಕ್ಸಪ್ರೆಸ್
ಚಿತ್ತಾಪುರ: ಪಟ್ಪಣದ ಸ್ಟೇಷನ್ ತಾಂಡಾದಲ್ಲಿ ಪುರಸಭೆ ಮಾಜಿ ಸದಸ್ಯ ಬಂಜಾರ ಸಮಾಜದ ಮುಖಂಡ ದಿ. ರಾಮದಾಸ ಚವ್ಹಾಣ ಅವರ ಪ್ರಥಮ ವರ್ಷದ ಪುಣ್ಯಸ್ಮರಣೆ ಕಾರ್ಯಕ್ರಮ ಗುರುವಾರ ನಡೆಯಿತು. ಈ ಸಂದರ್ಭದಲ್ಲಿ ರಾಮದಾಸ್ ಚವ್ಹಾಣ ಕುಟುಂಬ ಸದಸ್ಯರು ವಿದ್ಯಾರ್ಥಿಗಳಿಗೆ ನೋಟ್ ಬುಕ್ ಪೆನ್ನು ಹಾಗೂ ವೃದ್ಧರಿಗೆ ಬಟ್ಟೆಯನ್ನು ಹಂಚಿದರು.
ರಾಮದಾಸ ಚವ್ಹಾಣ ಎಲ್ಲರೊಂದಿಗೆ ಬೆರೆಯುವ ಸರಳ ಸಜ್ಜನಿಕೆಯ ಒಬ್ಬ ಜಾತ್ಯತೀತ ಹಾಗೂ ಆದರ್ಶ ರಾಜಕಾರಣಿಯಾಗಿದ್ದರು. ಚಿಕ್ಕ ವಯಸ್ಸಿನಲ್ಲೇ ಸಾಮಾಜಿಕ ಹಾಗೂ ರಾಜಕೀಯ ಕ್ಷೇತ್ರದಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಂಡು ಇತರರಿಗೆ ಮಾದರಿಯಾಗಿದ್ದರು ಅವರು ಇಂದು ಜನರ ಮದ್ಯೆದಲ್ಲಿ ಇಲ್ಲದಿದ್ದರೂ ಅವರು ಮಾಡಿದ ಸೇವೆಯಿಂದ ಜನರ ಮನದಲ್ಲಿ ಜೀವಂತವಾಗಿದ್ದಾರೆ ಎಂದು ಕಾರ್ಯಕ್ರಮದಲ್ಲಿದ್ದ ಅನೇಕ ಮುಖಂಡರು ಸ್ಮರಿಸಿದರು.
ವಿವಿಧ ಪಕ್ಷಗಳ ಮುಖಂಡರಾದ ಅನಿಲ್ ಪಾಟೀಲ, ರವೀಂದ್ರ ಸಜನಶೆಟ್ಟಿ, ಗೋಪಾಲ ರಾಠೋಡ, ರಮೇಶ್ ಕಾರಭಾರಿ, ಭೀಮಸಿಂಗ್ ಚವ್ಹಾಣ, ವಿಠ್ಠಲ್ ವಾಲ್ಮೀಕಿ ನಾಯಕ, ಜಗದೀಶ್ ಡಿ. ಚವ್ಹಾಣ, ಚಂದರ್ ಚವ್ಹಾಣ, ವೀರಣ್ಣ ಯಾರಿ, ತಮಣ್ಣ ಡಿಗ್ಗಿ, ನಾಗರಾಜ್ ಹೂಗಾರ, ನಾಗುಬಾಯಿ ಜಿತುರೆ, ಅಕಮಹಾದೇವಿ, ಅಂಬದಾಸ್ ರಾಠೋಡ, ಹನುಮಾನ್ ಸಿಂಗ್ ರಾಠೋಡ, ನೆಹರು ಪವರ್ ಸೇವಾ ಟಿವಿ, ಮದನ್ ರಾಠೋಡ ಬಳಗೇರಾ, ಶಂಕರ್ ಬಳಗೇರಾ, ರೆಡ್ಡಿ ಬಳಗೇರಾ, ಶ್ರೀಕಾಂತ್ ರಾಠೋಡ, ದೇವಿದಾಸ್ ಚವ್ಹಾಣ, ಪ್ರತಾಪ್ ಚವ್ಹಾಣ, ಶಿವರಾಮ್ ಚವ್ಹಾಣ, ಆಕಾಶ್ ಚವ್ಹಾಣ, ವಸಂತ್ ಚವ್ಹಾಣ ಸೇರಿದಂತೆ ಅನೇಕ ಮುಖಂಡರು ಅವರ ಅಭಿಮಾನಿ ಬಳಗದವರು ಹಾಗೂ ಕುಟುಂಬದವರು ಉಪಸ್ಥಿತಿರಿದ್ದರು.