ಸ್ಟೇಷನ್ ತಾಂಡಾದ ಒಡೆದ ಮುಖ್ಯ ಪೈಪ್ ಲೈನ್ ದುರಸ್ತಿ ಮಾಡಿದ ಪುರಸಭೆ, ನಾಳೆ ನೀರು ಪೂರೈಕೆ ಆಗಲಿದೆ: ಗುರಿಕಾರ
ನಾಗಾವಿ ಎಕ್ಸಪ್ರೆಸ್
ಚಿತ್ತಾಪುರ: ಪುರಸಭೆ ವ್ಯಾಪ್ತಿಯ ವಾರ್ಡ್ ನಂ.7 ರ ಪಟ್ಟಣದ ಸ್ಟೇಷನ್ ತಾಂಡಾದಲ್ಲಿ ಒಡೆದ ಮುಖ್ಯ ಪೈಪ್ ಲೈನ್ ಕಾಮಗಾರಿ ಪುರಸಭೆ ಕೈಗೆತ್ತಿಕೊಂಡಿರುವ ಪರಿಣಾಮ ಭಾನುವಾರ ನೀರು ಪೂರೈಕೆಯಾಗಲಿದೆ ಎಂದು ಮುಖ್ಯಾಧಿಕಾರಿ ಮನೋಜಕುಮಾರ ಗುರಿಕಾರ ತಿಳಿಸಿದ್ದಾರೆ.
ಶುಕ್ರವಾರ ಸ್ಟೇಷನ್ ತಾಂಡಾದಲ್ಲಿ ಮುಖ್ಯ ಪೈಪ್ ಲೈನ್ ಒಡೆದಿದ್ದರಿಂದ ಶನಿವಾರ ಹಾಗೂ ಭಾನುವಾರ ಎರಡು ದಿನಗಳವರೆಗೆ ವಾರ್ಡ್ ನಂ. 1 ರಿಂದ 12 ವಾರ್ಡ್ ವರೆಗೆ ನೀರು ಸರಬರಾಜು ವ್ಯತ್ಯಯ ಆಗಲಿದೆ ಎಂದು ತಿಳಿಸಿಲಾಗಿತ್ತು. ಆದರೆ ಸಾರ್ವಜನಿಕರ ಹಿತದೃಷ್ಟಿಯಿಂದ ಪುರಸಭೆ ತ್ವರಿತ ಗತಿಯಲ್ಲಿ ಕಲಬುರ್ಗಿಯಿಂದ ಪೈಪ್ ತರಿಸಿ ಶನಿವಾರವೇ ದುರಸ್ತಿ ಕಾರ್ಯ ಮಾಡಲಾಗಿದೆ. ಹೀಗಾಗಿ ಸ್ಟೇಷನ್ ಏರಿಯಾ, ಭೋವಿ ಗಲ್ಲಿ, ಆಶ್ರಯ ಕಾಲೋನಿ, ಆಸಾ‌ರ್ ಮೊಹಲ್ಲಾ, ಇಂದಿರಾ ನಗರ, ಕಾಶಿ ಗಲ್ಲಿ ಏರಿಯಾಗಳಲ್ಲಿ ನೀರು ಪೂರೈಕೆ ಆಗಲಿದೆ ಸಾರ್ವಜನಿಕರು ಯಾವುದೇ ಆತಂಕ ಪಡುವ ಅವಶ್ಯಕತೆ ಇಲ್ಲ ಎಂದು ಮುಖ್ಯಾಧಿಕಾರಿ ತಿಳಿಸಿದ್ದಾರೆ.