ಚಿತ್ತಾಪುರದಲ್ಲಿ ರವಿ ಬೆಳಗೆರೆ 4 ನೇ ಪುಣ್ಯಸ್ಮರಣೆ
ಪತ್ರಿಕಾ ರಂಗಕ್ಕೆ ರವಿ ಬೆಳಗೆರೆ ಅವರ ಕೊಡುಗೆ ಅಪಾರ: ಇವಣಿ
ನಾಗಾವಿ ಎಕ್ಸಪ್ರೆಸ್
ಚಿತ್ತಾಪುರ: ನಾಡಿನ ನೇರ, ದಿಟ್ಟ, ಪ್ರತಿಭಾವಂತ, ಕ್ರಿಯಾಶೀಲ ಹಿರಿಯ ಪತ್ರಕರ್ತ ಮತ್ತು ಬರಹಗಾರ, ಬಹುಮುಖ ಪ್ರತಿಭೆಯಾಗಿದ್ದ ರವಿ ಬೆಳಗೆರೆ ಕನ್ನಡ ಪತ್ರಿಕಾ ಕ್ಷೇತ್ರದಲ್ಲಿ ತಮ್ಮದೇ ಆದ ಛಾಪು ಮೂಡಿಸಿದ್ದಾರೆ ಎಂದು ಬೆಳಗೆರೆ ಅಪ್ಪಟ್ಟ ಅಭಿಮಾನಿ ರವಿ ಇವಣಿ ಅಭಿಪ್ರಾಯ ವ್ಯಕ್ತಪಡಿಸಿದರು.
ಪಟ್ಟಣದ ಭುವನೇಶ್ವರಿ ವೃತ್ತದಲ್ಲಿ ರವಿ ಬೆಳಗೆರೆ ಅಭಿಮಾನಿಗಳ ಬಳಗದ ವತಿಯಿಂದ ಶುಕ್ರವಾರ ಹಮ್ಮಿಕೊಂಡಿದ್ದ 4 ನೇ ಪುಣ್ಯಸ್ಮರಣೆ ಕಾರ್ಯಕ್ರಮದಲ್ಲಿ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿ ಮಾತನಾಡಿದ ಅವರು, ರವಿ ಬೆಳಗೆರೆ ಅವರು ಪತ್ರಿಕಾ ರಂಗಕ್ಕೆ ಮಾದರಿಯಾಗಿದ್ದಾರೆ ಅವರ ಸೇವೆ ಅವಿಸ್ಮರಣೀಯ ಎಂದರು.
ಅಭಿಮಾನಿ ಶಾಂತಕುಮಾರ್ ಮಳಖೇಡ ಮಾತನಾಡಿ, ಚಿತ್ತಾಪುರ ಪಟ್ಟಣದಲ್ಲಿ ರವಿ ಬೆಳಗೆರೆ ಅವರ ಅಪ್ಪಟ್ಟ ಅಭಿಮಾನಿ ರವಿ ಇವಣಿ ಅವರು ಪ್ರತಿ ವರ್ಷ ಜನ್ಮದಿನ ಹಾಗೂ ಪುಣ್ಯ ಸ್ಮರಣೆ ಕಾರ್ಯಕ್ರಮ ಆಯೋಜಿಸುವ ಮೂಲಕ ಅವರ ಆದರ್ಶವನ್ನು ಜೀವಂತವಾಗಿ ಇರಿಸಿದ್ದಾರೆ ಅಲ್ಲದೇ ಅನ್ನ ಸಂತರ್ಪಣೆ ಹಾಗೂ ಪತ್ರಕರ್ತರಿಗೆ ಸನ್ಮಾನ ಮಾಡುವ ಸೇವೆ ಮೆಚ್ಚುವಂಥದ್ದು ಎಂದು ಶ್ಲಾಘಿಸಿದರು.
ಸಮಾಜದ ಭ್ರಷ್ಟಾಚಾರ, ಅನ್ಯಾಯಗಳ ನಿವಾರಣೆಯ ಜೊತೆಗೆ ತಮ್ಮ ಬರಹಗಳ ಮೂಲಕ ಮನಸ್ಸಿನ ಯಾತನೆಯ ನಿವಾರಣೆಯನ್ನು ಮಾಡುವ ಶಕ್ತಿ ಅವರಿಗೆ ಸಿದ್ದಿಸಿತ್ತು. ಅಸಹಾಯಕರಿಗೆ ಉಪಕಾರ ಮತ್ತು ಭರವಸೆಗಳನ್ನು ಮೂಡಿಸುವ ಮೂಲಕ ಅನೇಕರಿಗೆ ಸ್ಪೂರ್ತಿಯಾಗಿದ್ದರು ಎಂದು ಸ್ಮರಿಸಿದರು.
ಪತ್ರಕರ್ತರಾದ ಕಾಶಿನಾಥ ಗುತ್ತೇದಾರ, ರವಿಶಂಕರ್ ಬುರ್ಲಿ, ಮಹ್ಮದ್ ಮಶಾಕ್, ಪುರಸಭೆ ಮಾಜಿ ಸದಸ್ಯ ಸುರೇಶ್ ಅಳ್ಳೋಳ್ಳಿ, ಪ್ರಭು ಅರಿಕೇರಿ, ಶಿವಶರಣಪ್ಪ, ಸಂತೋಷ ಕುಲಾಲ್, ರಾಜು ದೊರೆ, ಈರಣ್ಣ, ಅನೀಲ್ ಜಾವೀದ್, ರಮೇಶ್ ಸೇರಿದಂತೆ ಇತರರು ಇದ್ದರು.