ಚಿತ್ತಾಪುರ ತಾಲೂಕು ಕೃಷಿಕ ಸಮಾಜದ ಪದಾಧಿಕಾರಿಗಳು ಅವಿರೋಧ ಆಯ್ಕೆ, ಕಾಂಗ್ರೆಸ್ ಮುಖಂಡರಿಂದ ವಿಜಯೋತ್ಸವ
ನಾಗಾವಿ ಎಕ್ಸಪ್ರೆಸ್
ಚಿತ್ತಾಪುರ: ತಾಲೂಕು ಕೃಷಿಕ ಸಮಾಜದ ಐದು ಸ್ಥಾನಗಳಿಗೆ ಪದಾಧಿಕಾರಿಗಳು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ ಎಂದು ಸಹಾಯಕ ಕೃಷಿ ನಿರ್ದೇಶಕ ಸಂಜೀವಕುಮಾರ್ ಮಾನಕರ್ ತಿಳಿಸಿದ್ದಾರೆ.
ಪ್ರತಿಯೊಂದು ಸ್ಥಾನಕ್ಕೆ ಒಂದಕ್ಕಿಂತ ಹೆಚ್ಚಿನ ಉಮೇದುವಾರಿಕೆ ಅರ್ಜಿ ಸ್ವೀಕೃತವಾಗದೇ ಇರುವುದರಿಂದ ಉಮೇದುವಾರಿಕೆ ಅರ್ಜಿ ಸಲ್ಲಿಸಿರುವ 5 ಜನ ಸದಸ್ಯರನ್ನು ಪದಾಧಿಕಾರಿಗಳ ಸ್ಥಾನಕ್ಕೆ ಅವಿರೋಧವಾಗಿ ಆಯ್ಕೆ ಮಾಡಲಾಯಿತು.
ನಾಗರೆಡ್ಡಿ ಶಿವಶರಣಪ್ಪ ಗೋಪಸೇನ್ (ಅಧ್ಯಕ್ಷರು), ಚನ್ನಬಸಪ್ಪ ಬಂಡೆಪ್ಪ ಜೀವಣಗಿ (ಉಪಾಧ್ಯಕ್ಕರು), ನಿಂಗಣಗೌಡ ಖಂಡೆಪ್ಪಗೌಡ ಬಿರಾದಾರ (ಪ್ರಧಾನ ಕಾರ್ಯದರ್ಶಿ), ನಿಂಗಣ್ಣ ದೇವಿಂದ್ರಪ್ಪ ಹೆಗಲೇರಿ (ಖಜಾಂಚಿ), ವೀರಣ್ಣಗೌಡ ಸಿದ್ರಾಮರೆಡ್ಡಿ ಪರಸರೆಡ್ಡಿ (ಜಿಲ್ಲಾ ಪ್ರತಿನಿಧಿ). ಪದಾಧಿಕಾರಿಗಳು ಅವಿರೋಧವಾಗಿ ಆಯ್ಕೆಯಾಗುತ್ತಿದ್ದಂತೆ ಕಾಂಗ್ರೆಸ್ ಮುಖಂಡರು ವಿಜಯೋತ್ಸವ ಆಚರಿಸಿದರು.
ತಾಲೂಕು ಕೃಷಿಕ ಸಮಾಜದ ಕಾರ್ಯಕಾರಿ ಸಮಿತಿಯ ಪದಾಧಿಕಾರಿಗಳ ಚುನಾವಣೆ ಸಹಾಯಕ ಕೃಷಿ ನಿರ್ದೇಶಕರ ಕಾರ್ಯಾಲಯದಲ್ಲಿ ಜರುಗಿಸಲಾಯಿತು. ಪದಾಧಿಕಾರಿಗಳ ಚುನಾವಣೆಗೆ ಚಿತ್ತಾಪುರ ತಾಲೂಕ ಕೃಷಿ ಸಮಾಜದ ಕಾರ್ಯಕಾರಿ ಸಮೀತಿಯ ಎಲ್ಲಾ 15 ಜನ ಸದಸ್ಯರು ಹಾಜರಿದ್ದರು. ಚುನಾವಣಾಧಿಕಾರಿಗಳು ಹಾಜರಿದ್ದ ಎಲ್ಲಾ ಸದಸ್ಯರಿಗೆ ಸ್ವಾಗತ ಕೋರಿ ಚುನಾವಣಾ ಪ್ರಕ್ರಿಯೆಯನ್ನು ಪ್ರಾರಂಭಿಸಲಾಯಿತು.
ಇದೇ ಸಂದರ್ಭದಲ್ಲಿ ಭಾರತದ ಮಾಜಿ ಪ್ರಧಾನಮಂತ್ರಿಗಳಾದ ಡಾ. ಮನಮೋಹನ್ ಸಿಂಗ್ ರವರಿಗೆ ಮೌನಾಚರಣೆ ಮಾಡಿ ಗೌರವ ನಮನಗಳು ಸಲ್ಲಿಸಿದರು.
2025-26 ರಿಂದ 2029-30 ನೇ ಸಾಲಿಗೆ 5 ವರ್ಷಗಳ ಅವಧಿಗೆ ಕರ್ನಾಟಕ ಪ್ರದೇಶ ಕೃಷಿಕ ಸಮಾಜದ ಬೈಲಾ ನಿಭಂದನೆಯ ಅನ್ವಯ ಅಧ್ಯಕ್ಷರು, ಉಪಾಧ್ಯಕ್ಷರು, ಪ್ರಧಾನ ಕಾರ್ಯದರ್ಶಿ, ಖಜಾಂಜಿ ಹಾಗೂ ಜಿಲ್ಲಾ ಪ್ರತಿನಿಧಿ ಸ್ಥಾನಗಳಿಗೆ ಚುನಾವಣೆಯನ್ನು ನಿಗದಿಪಡಿಸಲಾಗಿದ್ದು, ಸ್ಪರ್ಧಿಸಲು ಬಯಸಿದ ಸದಸ್ಯರು ಉಮೇದುವಾರಿಕೆ ಅರ್ಜಿಗಳನ್ನು ಪಡೆದು ಸಲ್ಲಿಸಲು ತಿಳಿಸಲಾಯಿತು. ಅದರಂತೆ ಎಲ್ಲಾ 5 ಸ್ಥಾನಗಳಿಗೆ ಒಂದೊಂದು ಉಮೇದುವಾರಿಕೆ ಅರ್ಜಿಗಳು ಸ್ವೀಕೃತವಾಗಿರುತ್ತವೆ. ನಂತರ ಎಲ್ಲಾ 5 ಉಮೇದುವಾರಿಕೆ ಅರ್ಜಿಗಳನ್ನು ಪರೀಶಿಲಿಸಲಾಗಿ ಅರ್ಜಿಗಳು ಕ್ರಮಬದ್ಧವಾಗಿದ್ದು ಅಂಗೀಕೃತವಾಗಿರುತ್ತವೆ ಎಂದು ಮಾಹಿತಿ ನೀಡಿದ್ದಾರೆ.
ಸದರಿ ಚುನಾವಣೆಯಲ್ಲಿ ಚಿತ್ತಾಪುರ ಕೃಷಿಕ ಸಮಾಜದ ಕಾರ್ಯಕಾರಿ ಸಮಿತಿಯ ಸದಸ್ಯರುಗಳಾದ ಶಿವಶರಣರೆಡ್ಡಿ ಸಿದ್ದಾರೆಡ್ಡಿ ಪಾಟೀಲ್, ಬಾಬುರಾವ ಮೊಗಲಪ್ಪಾ ಕಾಶಿ, ರವೀಂದ್ರ ದೇವಿಂದ್ರಪ್ಪ, ಅಬ್ದುಲ್ ನಹೀಮ್ ಹಾಜಿ ಗಫೂರ ಸಾಬ್, ಮಲ್ಲಿಕಾರ್ಜುನ ಅಣ್ಣಾರಾವ, ಚನ್ನಪ್ಪಗೌಡ ಭಾಗಣ್ಣಗೌಡ, ಸುಭಾಶ್ಚಂದ್ರ ಚನ್ನಬಸಪ್ಪ, ಪಂಚಾಕ್ಷರಿ ಪೂಜಾರಿ, ಕುಮಾರ ರಾಮಚಂದ್ರ, ಸತ್ಯನಾರಾಯಣ ಯಾದವ್ ಹಾಜರಿದ್ದರು.
ಬ್ಲಾಕ್ ಕಾಂಗ್ರೆಸ್ ಅದ್ಯಕ್ಷ ಭೀಮಣ್ಣ ಸಾಲಿ, ಶರಣಗೌಡ ಮಾಲಿಪಾಟೀಲ್, ಈರಣ್ಣಗೌಡ ಕುಲಕುಂದಿ, ರಾಜುಗೌಡ ಮಾಲಿಪಾಟೀಲ್, ಮಲ್ಲರೆಡ್ಡಿ ಗೋಪಸೇನ್, ಮಹಿಪಾಲರೆಡ್ಡಿ ಕರಣಗಿ, ಮೈಲಾರಿ ಮಾಳಬಾ, ಸಾಯಿಬಣ್ಣ ಹಲಕಟ್ಟಿ, ಮುಕ್ತಾರ ಪಟೇಲ್, ಚಂದ್ರಶೇಖರ ಕಾಶಿ, ಶೀಲಾ ಕಾಶಿ, ಅಶೋಕರೆಡ್ಡಿ ಅಲ್ಲೂರ ಉಪಸ್ಥಿತರಿದ್ದರು.