ನಾಲವಾರ ಶ್ರೀಗಳಿಗೆ ಕಲ್ಯಾಣ ಕರ್ನಾಟಕ ರತ್ನ ಪ್ರಶಸ್ತಿ
ನಾಗಾವಿ ಎಕ್ಸಪ್ರೆಸ್
ಚಿತ್ತಾಪುರ: ಕಲಬುರ್ಗಿ ನಗರದಲ್ಲಿ ಲಿಂ.ಪೂಜ್ಯ ಚನ್ನವೀರ ಶಿವಯೋಗಿಗಳ 70ನೇ ಪುಣ್ಯಸ್ಮರಣೋತ್ಸವ ಹಾಗೂ ಪೂಜ್ಯಶ್ರೀ ಡಾ.ಸಾರಂಗಧರ ದೇಶಿಕೇಂದ್ರ ಮಹಾಸ್ವಾಮಿಗಳ ಪಟ್ಟಾಧಿಕಾರದ ದಶಮಾನೋತ್ವವ ಹಾಗೂ ಪೂಜ್ಯಶ್ರೀಗಳವರ ಜನ್ಮದಿನದ ಪ್ರಯುಕ್ತವಾಗಿ ಕೊಡಮಾಡುವ ಕಲ್ಯಾಣ ಕರ್ನಾಟಕ ರತ್ನ ಪ್ರಶಸ್ತಿಗೆ ನಾಲವಾರ ಶ್ರೀ ಡಾ.ಸಿದ್ದತೋಟೇಂದ್ರ ಶಿವಾಚಾರ್ಯರು ಆಯ್ಕೆಯಾಗಿದ್ದು, ಸೆ.21 ರಂದು ನಡೆಯಲಿರುವ ಕಾರ್ಯಕ್ರಮದಲ್ಲಿ ಪ್ರಶಸ್ತಿ ಸ್ವೀಕರಿಸಲಿದ್ದಾರೆ.
ನಿಷ್ವಾರ್ಥ ಸೇವೆಯನ್ನು ಗೈಯುತ್ತಿರುವ ನಾಲವಾರ ಮಹಾಮಠದ ನಡೆದಾಡುವ ದೇವರು, ರಾಷ್ಟ್ರೀಯ ಬಸವ ಪುರಸ್ಕಾರ ಪುರಸ್ಕೃತರಾದ ಅನ್ನ, ಅಕ್ಷರ, ಆಶ್ರಯ, ಲಿಂಗ, ಜಂಗಮ ಈ ಐದನ್ನು ಅಳವಡಿಸಿಕೊಂಡು ಪಂಚದಾಸೋಹಿ ಆಗಿರುವ ನಾಡಶ್ರ್ರೀ ರತ್ನ, ಜಗ ಮೆಚ್ಚಿದ ಜಗದ್ಗುರು ಡಾ.ಶ್ರೀಸಿದ್ದತೋಟೇಂದ್ರ ಮಹಾಸ್ವಾಮಿಗಳವರಿಗೆ ಕಲ್ಯಾಣ ಕರ್ನಾಟಕ ರತ್ನ ಪ್ರಶಸ್ತಿ ದೊರೆತಿರುವುದು ಇಡೀ ಭಕ್ತಸಮೂಹಕ್ಕೆ ಹರ್ಷವನ್ನುಂಟು ಮಾಡಿದೆ ಎಂದು ಶ್ರೀಮಠದ ಪರಮಭಕ್ತ ಸೋಮಶೇಖರ್ ಲಾಡ್ಲಾಪುರ ತಿಳಿಸಿದ್ದಾರೆ.