ಬೆಣ್ಣೂರ.ಬಿ ಗ್ರಾಮದ ಹದಗೆಟ್ಟ ರಸ್ತೆ, ಬ್ರಿಜ್ ಸುಧಾರಣೆಗೆ ಆಗ್ರಹ
ನಾಗಾವಿ ಎಕ್ಸಪ್ರೆಸ್
ಚಿತ್ತಾಪುರ: ಮತಕ್ಷೇತ್ರದ ಬೆಣ್ಣೂರ.ಬಿ ಗ್ರಾಮದ ಮುಖ್ಯ ರಸ್ತೆ ಬ್ರಿಜ್ ಹದಗೆಟ್ಟು ಸುಮಾರು ವರ್ಷಗಳಾದರೂ ಇಲ್ಲಿವರೆಗೆ ದುರಸ್ತಿ ಮಾಡದೆ ಇರುವುದರಿಂದ ಸಂಚಾರಕ್ಕೆ ತೀವ್ರ ತೊಂದರೆಯಾಗಿದೆ ಹೀಗಾಗಿ ಕೂಡಲೇ ಸುಧಾರಣೆ ಮಾಡಬೇಕು ಎಂದು ಬಿಜೆಪಿ ತಾಲೂಕು ಯುವ ಅಧ್ಯಕ್ಷ ದೇವರಾಜ್ ತಳವಾರ ಆಗ್ರಹಿಸಿದ್ದಾರೆ.
ಬೆಣ್ಣೂರ್.ಬಿ ಗ್ರಾಮದಿಂದ ಸೇಡಂ ಮುಖ್ಯ ರಸ್ತೆ ಇದು ಆಗಿದ್ದು. ಹಾಗೂ ಇವಣಿ, ಭಾಗೋಡಿ ಬೆಳಗುಂಪಾ, ಪೇಟಶಿರೂರು ಗ್ರಾಮಗಳ ಜನರು ಇದೇ ರಸ್ತೆ ಮೂಲಕ ಸಂಚರಿಸುತ್ತಾರೆ. ಹದಗೆಟ್ಟ ರಸ್ತೆ ಮತ್ತು ಬ್ರಿಜ್ ಸುಧಾರಣೆ ಮಾಡಲು ಸಂಬಂಧಪಟ್ಟ ಜನಪ್ರತಿನಿಧಿಗಳಿಗೆ ಹಾಗೂ ಅಧಿಕಾರಿಗಳಿಗೆ ಹಲವು ಬಾರಿ ಮನವಿ ಮಾಡಿದರೂ ಸಹ ಇಲ್ಲಿವರೆಗೆ ಸ್ಪಂದಿಸಿಲ್ಲ ಎಂದು ಆರೋಪಿಸಿದ್ದಾರೆ.
ಚುನಾವಣೆ ಬಂದಾಗೊಮ್ಮೆ ಗ್ರಾಮಕ್ಕೆ ಬರುವ ಜನಪ್ರತಿನಿಧಿಗಳು ಮತ್ತು ರಾಜಕಾರಣಿಗಳು ಚುನಾವಣೆ ಮುಗಿದ ಮೇಲೆ ಗ್ರಾಮದ ಕಡೆ ಸುಳಿಯುವುದಿಲ್ಲ ಹೀಗಾಗಿ ಗ್ರಾಮದ ಸಮಸ್ಯೆಗಳಿಗೆ ಇಲ್ಲಿವರೆಗೆ ಪರಿಹಾರ ಸಿಕ್ಕಿಲ್ಲ ಎಂದು ತಿಳಿಸಿದ್ದಾರೆ. ಅದೇ ರೀತಿಯಾಗಿ ಮಾಡಬೂಳ್ ಸಂಗಾವಿ ರಸ್ತೆ ಕೂಡ ಕೆಟ್ಟು ಹೋಗಿದೆ. ಕೂಡಲೇ ಸಂಬಂಧಪಟ್ಟ ಅಧಿಕಾರಿಗಳು ಹದಗೆಟ್ಟ ರಸ್ತೆ ಮತ್ತು ಬ್ರಿಜ್ ಸರಿಪಡಿಸುವ ಕೆಲಸ ಮಾಡಿ ಸಾರಿಗೆ ಬಸ್ಸುಗಳು ಸಂಚಾರಕ್ಕೆ ಮತ್ತು ಸಾರ್ವಜನಿಕರಿಗೆ ಅನುಕೂಲ ಮಾಡಿಕೊಡಬೇಕು ಎಂದು ಕಾಶಿನಾಥ ಕುಲಕರ್ಣ ಗ್ರಾಮ ಪಂಚಾಯತ್ ಸದಸ್ಯರಾದ ಕಾಶಿನಾಥ ಕುಲಕರ್ಣಿ, ಮೋಹನ್ ಚವ್ಹಾಣ ಹಾಗೂ ಗ್ರಾಮದ ಮುಖಂಡ ಲಕ್ಕನ್ ರಾಠೋಡ ಅವರು ಒತ್ತಾಯಿಸಿದ್ದಾರೆ.