ಚಿತ್ತಾಪುರ ತಾಲೂಕು ಸರ್ಕಾರಿ ನೌಕರರ ಸಂಘದ ಚುನಾವಣೆ: ನಾಮಪತ್ರ ಸಲ್ಲಿಕೆ
ನಾಗಾವಿ ಎಕ್ಸಪ್ರೆಸ್
ಚಿತ್ತಾಪುರ: ಕರ್ನಾಟಕ ರಾಜ್ಯ ಸರಕಾರಿ ನೌಕರರ ಸಂಘ ತಾಲೂಕು ಶಾಖೆಯ ಚುನಾವಣೆ ಇದೇ ಅ.28 ರಂದು ನಡೆಯಲಿದ್ದು, ನಿರ್ದೇಶಕರ ಹುದ್ದೆಗೆ ಆಯ್ಕೆ ಬಯಸಿ ಗ್ರಾಮೀಣ ಅಭಿವೃದ್ಧಿ ಪಂಚಾಯತ ರಾಜ್ ಇಲಾಖೆಯಿಂದ ಕಾರ್ಯದರ್ಶಿ ರಾಚಯ್ಯಸ್ವಾಮಿ ಅಲ್ಲೂರ ಹಾಗೂ ದ್ವಿತಿಯ ದರ್ಜೆ ಸಹಾಯಕ ಸಿದ್ದಣಗೌಡ ಅವರು ಇಲಾಖೆಯ ಅಧಿಕಾರಿಗಳೊಂದಿಗೆ ತೆರಳಿ ಚುನಾವಣಾಧಿಕಾರಿ ವಿಜಯಕುಮಾರ ಲೊಡ್ಡೆನೋರ ಅವರಿಗೆ ಬುಧವಾರ ನಾಮಪತ್ರ ಸಲ್ಲಿಸಿದ್ದಾರೆ.
ಗ್ರಾಮ ಪಂಚಾಯತ ಪರವಾಗಿ ರಾಚಯ್ಯಸ್ವಾಮಿ ಅಲ್ಲೂರ ಹಾಗೂ ತಾಲೂಕ ಪಂಚಾಯತ ಕಚೇರಿ ವತಿಯಿಂದ ಸಿದ್ದಣಗೌಡ ಅವರು ನಾಮಪತ್ರ ಸಲ್ಲಿಸಿ ಚುನಾವಣಾ ಕಣಕ್ಕಿಳಿದಿದ್ಧಾರೆ.
ನಾಮಪತ್ರ ಸಲ್ಲಿಕೆ ಸಂದರ್ಭದಲ್ಲಿ ಸರಕಾರಿ ನೌಕರರ ಸಂಘದ ತಾಲೂಕ ಅಧ್ಯಕ್ಷ ಬಸವರಾಜ ಬಳೂಂಡಗಿ, ಪಿಡಿಓಗಳಾದ ದೇವೀಂದ್ರಪ್ಪ ಭಾಲ್ಕಿ, ಬಸವರಾಜ ಭಾಸಗಿ, ಓಂಕಾರ, ಬಸವರಾಜ ಪೂಜಾರಿ, ರುದ್ರಪ್ಪ, ಮೃತುಂಜಯ ಹಿರೇಮಠ, ಬೀರಪ್ಪ ಭಾಸಗಿ, ಕಲ್ಲಪ್ಪ ಕುಂಬಾರ ಶ್ರವಣಕುಮಾರ, ಸಂಗೀತಾ, ಸುನೀತಾ, ರೇಣುಕಾ ಕಾರ್ಯದರ್ಶಿಗಳಾದ ಗೋಪಾಲ ಕಟ್ಟಿಮನಿ, ಸಂಗಮೇಶ ಹಿರೇಮಠ, ಸಂದೇಶ್ ಲಿಂಗೇರಿ, ಶೀನಪ್ಪ, ಸಿದ್ರಾಮ ಮತ್ತು ಶಿಕ್ಷಕ ಮಹೇಶ ತೆಂಗಳಿ ಮುಂತಾದವರು ಇದ್ದರು.