ರಾಜ್ಯದ ಮೂರು ಕ್ಷೇತ್ರಗಳಲ್ಲಿ ಕಾಂಗ್ರೆಸ್ ಭರ್ಜರಿ ಗೆಲುವು ಚಿತ್ತಾಪುರದಲ್ಲಿ ವಿಜಯೋತ್ಸವ
ನಾಗಾವಿ ಎಕ್ಸಪ್ರೆಸ್
ಚಿತ್ತಾಪುರ: ರಾಜ್ಯದ ಸಂಡೂರು, ಶಿಗ್ಗಾಂವಿ ಮತ್ತು ಚನ್ನಪಟ್ಟಣ ಮೂರು ವಿಧಾನಸಭಾ ಕ್ಷೇತ್ರಗಳ ಉಪ ಚುನಾವಣೆಯಲ್ಲಿ ಕಾಂಗ್ರೆಸ್ ಭರ್ಜರಿ ಗೆಲುವು ಸಾಧಿಸಿದ ಪ್ರಯುಕ್ತ ಚಿತ್ತಾಪುರ ಪಟ್ಟಣದಲ್ಲಿ ಬ್ಲಾಕ್ ಕಾಂಗ್ರೆಸ್ ನೇತೃತ್ವದಲ್ಲಿ ಶನಿವಾರ ಮುಖಂಡರು ಮತ್ತು ಕಾರ್ಯಕರ್ತರು ಪಟಾಕಿ ಸಿಡಿಸಿ ಸಿಹಿ ಹಂಚಿಕೊಳ್ಳುವ ಮೂಲಕ ವಿಜಯೋತ್ಸವ ಆಚರಿಸಿದರು.
ಯುವ ಕಾಂಗ್ರೆಸ್ ಅಧ್ಯಕ್ಷ ಸಂಜಯ ಬುಳಕರ್ ಮಾತನಾಡಿ, ಉಪ ಚುನಾವಣೆಯಲ್ಲಿ ಬಿಜೆಪಿ ಮತ್ತು ಜೆಡಿಎಸ್ ಪಕ್ಷದ ನಾಯಕರು ಎಷ್ಟೇ ವಿಷಬೀಜ ಬಿತ್ತಿದ್ದರೂ ಸಹ ಮತದಾರರು ಮಾತ್ರ ಯಾವುದೇ ಗಾಳಿ ಮಾತಿಗೆ ಕಿವಿಗೊಡದೆ ಕಾಂಗ್ರೆಸ್ ಸರ್ಕಾರದ ಜನಪರ ಹಾಗೂ ಗ್ಯಾರಂಟಿ ಯೋಜನೆಗಳಿಗೆ ಮನ್ನಣೆ ನೀಡಿ ಆಶೀರ್ವಾದ ಮಾಡಿ ಕಾಂಗ್ರೆಸ್ ಅಭ್ಯರ್ಥಿಗಳನ್ನು ಗೆಲ್ಲಿಸುವ ಮೂಲಕ ಐತಿಹಾಸಿಕ ತೀರ್ಪು ನೀಡಿದ್ದಾರೆ ಎಂದು ಹೇಳಿದರು.
ಈ ಸಂದರ್ಭದಲ್ಲಿ ಯುವ ಕಾಂಗ್ರೆಸ್ ಅಧ್ಯಕ್ಷ ಸಂಜಯ ಬುಳಕರ, ವಕ್ತಾರ ಬಸವರಾಜ್ ಚಿನ್ನಮಳ್ಳಿ, ಪುರಸಭೆ ಮಾಜಿ ಅಧ್ಯಕ್ಷ ಹಾಲಿ ಸದಸ್ಯ ಮಲ್ಲಿಕಾರ್ಜುನ ಕಾಳಗಿ, ಇಕಬಾಲ್ ಸೇಠ, ಎಂ.ಎ ರಶೀದ್, ಮಹಾಂತೇಶ ಗೌಡ, ಲಕ್ಷ್ಮಿಕಾಂತ್ ಸಾಲಿ, ಶ್ರೀಕಾಂತ್ ಸಿಂಧೆ, ಮಹೇಶ ಕಾಶಿ, ಹರಳಯ್ಯ ಬಡಿಗೇರ, ಚoದರ ಚವಾಣ್, ವಿನ್ನುಕುಮಾರ ಜೆಡಿ, ಕರಣಕುಮಾರ ಅಲ್ಲೂರ, ರವಿ ಧರ್ಮನ, ಸಾಬಣ್ಣ ಹೊಳಿಕಟ್ಟಿ, ದೇವು ಯಾಬಾಳ್, ಬೀಮು ಹೊಳಿಕಟ್ಟಿ, ಬಾಬು ಸಾತಾನೂರ್, ವೆಂಕಟೇಶ ಪೂಜಾರಿ, ಸಂತೋಷ ಪೂಜಾರಿ, ಮಾರುತಿ ಅಳ್ಳೋಳ್ಳಿ, ರಾಘು, ಶಿವಾ ಭಜಂತ್ರಿ, ಬಸವರಾಜ್ ಕೆಬಿ, ಶರಣು ತಲಾಟಿ, ಅನ್ವರ್ ಸೇಠ, ರಾಘು ಬಡಿಗೇರ, ಸಂದೀಪ್ ಗಾಯಕವಾಡ ಸೇರಿದಂತೆ ಇತರರಿದ್ದರು.