ಸ್ಟೇಷನ್ ತಾಂಡಾದ ಮುಖ್ಯ ಪೈಪ್ ಲೈನ್ ಒಡೆದಿದ್ದರಿಂದ  ಎರಡು ದಿನಗಳವರೆಗೆ ನೀರು ಸರಬರಾಜು ವ್ಯತ್ಯಯ

ಸ್ಟೇಷನ್ ತಾಂಡಾದ ಮುಖ್ಯ ಪೈಪ್ ಲೈನ್ ಒಡೆದಿದ್ದರಿಂದ  ಎರಡು ದಿನಗಳವರೆಗೆ ನೀರು ಸರಬರಾಜು ವ್ಯತ್ಯಯ

ನಾಗಾವಿ ಎಕ್ಸಪ್ರೆಸ್

ಚಿತ್ತಾಪುರ: ಪುರಸಭೆ ವ್ಯಾಪ್ತಿಯ ವಾರ್ಡ್ ನಂ. 7 ರ ಪಟ್ವಣದ ಸ್ಟೇಷನ್ ತಾಂಡಾದಲ್ಲಿ ಮುಖ್ಯ ಪೈಪ್ ಲೈನ್ ಒಡೆದು ಹೋಗಿದ್ದು ಅದರ ದುರಸ್ತಿ ಕಾಮಗಾರಿ ಕೈಗೆತ್ತಿಕೊಂಡಿರುವ ಪರಿಣಾಮ ಶನಿವಾರ ಹಾಗೂ ಭಾನುವಾರ ಎರಡು ದಿನಗಳವರೆಗೆ ವಾರ್ಡ್ ನಂ. 1 ರಿಂದ 12 ವಾರ್ಡ್ ವರೆಗೆ ನೀರು ಸರಬರಾಜು ವ್ಯತ್ಯಯ ಆಗಲಿದೆ ಎಂದು ಪುರಸಭೆ ಮುಖ್ಯಾಧಿಕಾರಿ ಮನೋಜಕುಮಾರ ಗುರಿಕಾರ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಸ್ಟೇಷನ್ ತಾಂಡಾದಲ್ಲಿ ನೀರು ಸರಬರಾಜು ಆಗುವ ಮುಖ್ಯ ಪೈಪ್ ಒಡೆದು ಹೋಗಿದೆ, ಹೀಗಾಗಿ ಸ್ಟೇಷನ್ ಏರಿಯಾ, ಭೋವಿ ಗಲ್ಲಿ, ಆಶ್ರಯ ಕಾಲೋನಿ, ಆಸಾರ್ ಮೊಹಲ್ಲಾ, ಇಂದಿರಾ ನಗರ, ಕಾಶಿ ಗಲ್ಲಿ ಏರಿಯಾಗಳಲ್ಲಿ ನೀರು ಪೂರೈಕೆಯಲ್ಲಿ ತೊಂದರೆ ಉಂಟಾಗಲಿದ್ದು ಸಾರ್ವಜನಿಕರು ಸಹಕರಿಸಬೇಕು ಎಂದು ಕೋರಿದ್ದಾರೆ.