ವಾಡಿಯಲ್ಲಿ ಪ್ರಧಾನಿ ಮೋದಿ ಜನ್ಮದಿನಾಚರಣೆ, ಭಾವಚಿತ್ರಕ್ಕೆ ಹಾಲಿನ ಅಭಿಷೇಕ
ನಾಗಾವಿ ಎಕ್ಸಪ್ರೆಸ್
ವಾಡಿ: ಪ್ರಧಾನಿ ನರೇಂದ್ರ ಮೋದಿ ಅವರ 74ನೇ ಹುಟ್ಟು ಹಬ್ಬದ ಪ್ರಯುಕ್ತ ಪಟ್ಟಣದ ಬಿಜೆಪಿ ಮುಖಂಡರು ಶ್ರೀ ಶಕ್ತಿ ಆಂಜನೇಯ ಮಂದಿರದಲ್ಲಿ ಪೂಜೆ ಸಲ್ಲಿಸಿ, ಮೋದಿ ಜಿ ಭಾವಚಿತ್ರಕ್ಕೆ ಹಾಲಿನ ಅಭಿಷೇಕ ಮಾಡಿದರು.
ಬಿಜೆಪಿ ಅಧ್ಯಕ್ಷ ವೀರಣ್ಣ ಯಾರಿ ಮಾತನಾಡಿ, ಚಾಣಕ್ಯ ಹೇಳಿದ್ದಂತೆ ರಾಜನು ಶಕ್ತಿವಂತನಾಗಿರಬೇಕು, ಆಗ ಮಾತ್ರ ರಾಷ್ಟ್ರವು ಪ್ರಗತಿ ಹೊಂದುತ್ತದೆ. ಮಾನಸಿಕ, ದೈಹಿಕ ಹಾಗೂ ಆಧ್ಯಾತ್ಮಿಕ ಎಂಬ ಮೂರು ಶಕ್ತಿಗಳನ್ನು ರಾಜನು ಹೊಂದಿರಬೇಕು ಎನ್ನುವ ಮಾತು ಅಕ್ಷರಶಃ ಮೋದಿಯವರಿಗೆ ಅನ್ವಯವಾಗುತ್ತದೆ. ಅವರ ಈ ನಾಯಕತ್ವ ಗುಣವೇ ಅವರನ್ನು ವಿಶ್ವ ನಾಯಕ ಮಾಡಿದ್ದು, ಅಂತಹ ಪ್ರಧಾನಿ ಸಿಕ್ಕಿದ್ದು ನಮೆಲ್ಲರ ಪುಣ್ಯ ಎಂದರು.
ಅವರು ನೂರಾರು ವರ್ಷ ಭಾರತ ಮಾತೆಯ ಸೇವೆಯಲ್ಲಿ ಆರೋಗ್ಯದಿಂದಿರಲಿ ಎಂದು ನಮ್ಮೆಲ್ಲರ ಆಶಯ ಅವರಿಗೆ ನಮ್ಮ ಮುಖಂಡರೊಂದಿಗೆ ಹಾಲಿನ ಅಭಿಷೇಕ ದೊಂದಿಗೆ ಶುಭಾಶಯ ಕೊರುತ್ತೇವೆ ಎಂದು ಹೇಳಿದರು.
ಪರಸ್ಪರ ಸಿಹಿ ಹಂಚಿ ಸಂಭ್ರಮಿಸಿದರು. ಈ ಸಂಧರ್ಭದಲ್ಲಿ ಶಕ್ತಿ ಕೇಂದ್ರದ ಪ್ರಧಾನ ಕಾರ್ಯದರ್ಶಿ ರವಿ ನಾಯಕ, ಮುಖಂಡರಾದ ಬಸವರಾಜ ಪಂಚಾಳ, ಸಿದ್ದಣ್ಣ ಕಲ್ಲಶೆಟ್ಟಿ, ಶರಣಗೌಡ ಚಾಮನೂರ,ರಮೇಶ ಕಾರಬಾರಿ, ಭೀಮರಾವ ದೊರೆ, ಹರಿ ಗಲಾಂಡೆ, ಅಶೋಕ ಹರನಾಳ, ಗಿರಿಮಲ್ಲಪ್ಪ ಕಟ್ಟಿಮನಿ, ತುಕಾರಾಮ ರಾಠೋಡ, ಕಿಶನ ಜಾಧವ, ಅಂಬದಾಸ ಜಾಧವ, ಯಂಕಮ್ಮ ಗೌಡಗಾಂವ, ನಿರ್ಮಲ ಇಂಡಿ, ಪ್ರೇಮ ರಾಠೋಡ, ಪ್ರಕಾಶ ಪುಜಾರಿ, ಆನಂದ ಇಂಗಳಗಿ, ಸುಭಾಷ್ ಪಂಚಾಳ, ದೇವೇಂದ್ರ ಬಡಿಗೇರ, ಅಶೋಕ ಪಂಚಾಳ, ಸೇರಿದಂತೆ ಅನೇಕರು ಪಾಲ್ಗೊಂಡಿದ್ದರು.