ಭೂಮಿ ರೈತ ಜಿಲ್ಲಾ ಪ್ರಶಸ್ತಿ ಪುರಸ್ಕೃತ ಈರಣ್ಣ ಈಸಬಾ ಅವರಿಗೆ ಹೃದಯಸ್ಪರ್ಶಿ ಸನ್ಮಾನ, ತೋಟಗಾರಿಕೆಯಲ್ಲಿ ಸಲ್ಲಿಸಿದ ಪ್ರತಿಫಲಕ್ಕೆ ಸಂದ ಪ್ರಶಸ್ತಿ: ಗುತ್ತೇದಾರ
ನಾಗಾವಿ ಎಕ್ಸಪ್ರೆಸ್
ಚಿತ್ತಾಪುರ: ಸಹಜಾನಂದ ಕಂಪ್ಯೂಟ‌ರ್ ಏಡೆಡ್ ರೂರಲ್ ಎಜುಕೇಶನ್ ಅಂಡ್ ಡೆವಲಪ್ಟೆಂಟ್ ಟ್ರಸ್ಟ್ ಬೆಂಗಳೂರು ವತಿಯಿಂದ ಕೊಡಲ್ಪಡುವ ತೋಟಗಾರಿಕೆ ವಿಭಾಗದಿಂದ ಭೂಮಿ ರೈತ ಜಿಲ್ಲಾ ಪ್ರಶಸ್ತಿ ಪುರಸ್ಕೃತ ಹಲಕಟ್ಟಿ ಗ್ರಾಮದ ಈರಣ್ಣ ಈಸಬಾ ಅವರಿಗೆ ಗೆಳೆಯರ ಬಳಗದ ವತಿಯಿಂದ ಅವರ ತೋಟದಲ್ಲಿ ಬುಧವಾರ ಹೃದಯಸ್ಪರ್ಶಿ ಸನ್ಮಾನ ಮಾಡಲಾಯಿತು.
ಈ ವೇಳೆ ಪತ್ರಕರ್ತ ಕಾಶಿನಾಥ ಗುತ್ತೇದಾರ ಮಾತನಾಡಿ, ಈರಣ್ಣ ಈಸಬಾ ಅವರು ಪದವಿಧರರಾಗಿದ್ದು, ಮೊದಲಿಂದಲೂ ಕೃಷಿ ಚಟುವಟಿಕೆಗಳಲ್ಲಿ ತೊಡಗಿಸಿಕೊಂಡು ತಮ್ಮ ತಂದೆ ತಾಯಿ ಮಾರ್ಗದರ್ಶನದಲ್ಲಿ ಮುಂದುವರೆದು ತೋಟಗಾರಿಕೆಯಲ್ಲಿ ಸಾಧನೆಗೈದಿದ್ದರಿಂದ ಇಂದು ಪ್ರಶಸ್ತಿಗೆ ಭಾಜನರಾಗಿದ್ದಾರೆ ಎಂದು ಹೇಳಿದರು. ಅವರ ಕೃಷಿ ಸೇವೆ ಅಮೋಘವಾಗಿದೆ ಎಂದು ಬಣ್ಣಿಸಿದರು.
ಶಿಕ್ಷಕ ಶ್ರೀನಾಥ್ ಹಿರಗೊಂಡ ಮಾತನಾಡಿ, ಬಡ ರೈತ ಕುಟುಂಬದಲ್ಲಿ ತೋಟಗಾರಿಕೆ ಕ್ಷೇತ್ರದಲ್ಲಿ ಪರಿಶ್ರಮದಿಂದ ಸೇವೆಗೈದ ಅವರು ಇಂದು ಅವರ ಸೇವೆ ಗುರುತಿಸಿ ರೈತ ಪ್ರಶಸ್ತಿಗೆ ಆಯ್ಕೆ ಮಾಡಿರುವುದು ಇಡೀ ಹಲಕಟ್ಟಿ ಗ್ರಾಮಕ್ಕೆ ಕೀರ್ತಿ ಸಂದಿದೆ ಎಂದು ಹೇಳಿದರು.
ಕಾಂಗ್ರೆಸ್ ಮುಖಂಡ ಸಿದ್ದು ಮುಗುಟಿ ಮಾತನಾಡಿ, ಈರಣ್ಣ ಈಸಬಾ ಅವರಿಗೆ ರೈತ ಪ್ರಶಸ್ತಿ ದೊರಕಿರುವುದು ನಮ್ಮ ಗ್ರಾಮದ ಯುವಕರಿಗೆ ಸ್ಫೂರ್ತಿ ನೀಡಿದಂತಾಗಿದೆ, ಕೃಷಿಯಲ್ಲಿ ಶ್ರದ್ಧೆ ಭಕ್ತಿ ಮತ್ತು ಪ್ರಾಮಾಣಿಕವಾಗಿ ತೊಡಗಿದರೆ ಪ್ರತಿಫಲ ಖಂಡಿತವಾಗಿ ಸಿಗಲಿದೆ ಎಂದು ಹೇಳಿದರು. ಯಾವುದೇ ಅರ್ಜಿ ಹಾಕದೇ ಇದ್ದಲಿಗೆ ಹುಡುಕಿಕೊಂಡು ಮನೆ ಬಾಗಿಲಿಗೆ ಪ್ರಶಸ್ತಿ ಬಂದಿರುವುದು ಹೆಮ್ಮೆ ಪಡುವಂತಹ ವಿಷಯ ಎಂದರು.
ಬಸಣ್ಣ ಈಸಬಾ, ನಾಗಮ್ಮ ಈಸಬಾ, ರಾಜುಗೌಡ ಪೊಲೀಸ್ ಪಾಟೀಲ, ವೀರಭದ್ರೇಶ್ವರ ದೇವಸ್ಥಾನ ಕಾರ್ಯದರ್ಶಿ ಕಾಂತು ಸೌಕಾರ ಮೇಲಿನಮನಿ, ಶರಣು ಬೊಮ್ಮನಳ್ಳಿ, ವಿರೇಶ ಸಾಹು ಜೀವಣಗಿ, ಶರಣು ಹಿಟ್ಟಿನ್, ಗ್ರಾಪಂ ಸದಸ್ಯ ಮಲ್ಲಿಕಾರ್ಜುನ ವಗ್ಗರ್, ಕೋಲಿ ಸಮಾಜದ ಅಧ್ಯಕ್ಷ ಕರಣಪ್ಪ ಈಸಬಾ, ಮುಖಂಡರಾದ ದೇವು ಸುಣಗಾರ, ಮಲ್ಲಿಕಾರ್ಜುನ ಹುಂಡೇಕಲ್, ಭೀಮು ಕೊಲಕುಂದಿ, ನಾಗರಾಜ ಈಸಬಾ, ದೇವು ಈಸಬಾ, ರವಿಶಂಕರ್ ಬುರ್ಲಿ, ಮಹ್ಮದ್ ಮಶಾಕ್, ಯಲ್ಲಯ್ಯ ಕಲಾಲ್ ಸೇರಿದಂತೆ ಇತರರು ಇದ್ದರು.