ಚಿತ್ತಾಪುರ ಮಾರ್ಚ್ 2 ರಿಂದ 9 ರ ವರೆಗೆ ಇಂಡೋ – ಜರ್ಮನ್ ಆಸ್ಪತ್ರೆಯಲ್ಲಿ ರಿಯಾಯತಿ ದರದಲ್ಲಿ ಶಸ್ತ್ರಚಿಕಿತ್ಸೆ, ಸಾರ್ವಜನಿಕರು ಸದುಪಯೋಗ ಮಾಡಿಕೊಳ್ಳಲು ಕರೆ

ಚಿತ್ತಾಪುರ ಮಾರ್ಚ್ 2 ರಿಂದ 9 ರ ವರೆಗೆ ಇಂಡೋ – ಜರ್ಮನ್ ಆಸ್ಪತ್ರೆಯಲ್ಲಿ ರಿಯಾಯತಿ ದರದಲ್ಲಿ ಶಸ್ತ್ರಚಿಕಿತ್ಸೆ, ಸಾರ್ವಜನಿಕರು ಸದುಪಯೋಗ ಮಾಡಿಕೊಳ್ಳಲು ಕರೆ

ನಾಗಾವಿ ಎಕ್ಸಪ್ರೆಸ್

ಚಿತ್ತಾಪುರ: ಜನರ ಜೀವನಮಟ್ಟ ಮೇಲೇತ್ತಲು ಮತ್ತು ಅವರ ಅಗತ್ಯಗಳನ್ನು ಪೂರೈಸಲು ಹುಟ್ಟಿದ ಜ್ಯೋತಿ ಸೇವಾ ಕೇಂದ್ರ ಟ್ರಸ್ಟ್, ಬಡತನ, ಅಪೌಷ್ಟಿಕತೆ, ಆರೋಗ್ಯ ಮತ್ತು ನೈರ್ಮಲ್ಯ, ಸವಾಲುಗಳನ್ನು ಪರಿಹರಿಸಲು ಟ್ರಸ್ಟ್ ಅಡಿಯಲ್ಲಿ ಮಾರ್ಚ 2 ರಿಂದ 9 ರ ವರೆಗೆ ಪಟ್ಟಣದ ಇಂಡೋ -ಜರ್ಮನ್ ಆಸ್ಪತ್ರೆ ಯಲ್ಲಿ, ರಿಯಾಯತಿ ದರದಲ್ಲಿ ಶಸ್ತ್ರ ಚಿಕಿತ್ಸೆ ನಡೆಸಲಾಗುವುದು ಎಂದು ಟ್ರಸ್ಟ್ ನವರು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಡಾ.ಓಮ್ ನೇತೃತ್ವದಲ್ಲಿ ಜರ್ಮನ್ ವೈದ್ಯರ ನುರಿತ ತಂಡದವರಿಂದ ಶಿಬಿರದಲ್ಲಿ ಎಲ್ಲಾ ಸೀಳು ತುಟಿ, ಸೀಳು ಅಂಗಗಳ ನ್ಯೂನತೆಯುಳ್ಳವರಿಗೆ ಉಚಿತ ತಪಾಸಣೆ ಮತ್ತು ಶಸ್ತ್ರಚಿಕಿತ್ಸೆ ನೀಡುತ್ತಾರೆ. ಅಪೆಂಡಿಕ್ಸ, ಹರ್ನಿಯಾ, ಸುಟ್ಟ ಗಾಯ ಇನ್ನಿತರ ಚಿಕಿತ್ಸೆ ರಿಯಾಯತಿ ದರದಲ್ಲಿ ಮಾಡಲಾಗುವುದು ಎಂದು ತಿಳಿಸಿದ್ದಾರೆ.

ಜತೆಗೆ ಸಾಮಾನ್ಯ ಆರೋಗ್ಯ ಶತಪಾಸಣೆ, ಎಕ್ಸ ರೇ, ಹಲ್ಲಿನ ತಪಾಸಣೆ ಮತ್ತು ಚಿಕಿತ್ಸೆ, ಪ್ರತಿ ಬುಧುವಾರ ಸ್ವಾಸ್ತ್ಯ ಹಾಗೂ ಕಣ್ಣಿನ ತಪಾಸಣೆ ಮತ್ತು ಚಿಕಿತ್ಸೆ ನಡೆಯುವುದು ಎಂದು ಹೇಳಿದ್ದಾರೆ. ಸಾರ್ವಜನಿಕರು ಇದರ ಸದುಪಯೋಗ ಪಡೆದುಕೊಳ್ಳಬೇಕು. ಹೆಚ್ಚಿನ ಮಾಹಿತಿಗಾಗಿ ಮೊಬೈಲ್ ನಂ. 7090560912 ಗೆ ಸಂಪರ್ಕಿಸಲು ಕೋರಿದ್ದಾರೆ.

ಆಸ್ಪತ್ರೆಯ ಹಿನ್ನೆಲೆ:

ಜರ್ಮನ್ ಪ್ರಾಯೋಜಕರು ಕೇಂದ್ರಕ್ಕೆ ನಿಯಮಿತ ಭೇಟಿ ನೀಡುವವರು, ವೃತ್ತಿಯಲ್ಲಿ ದಂತವೈದ್ಯರಾದ ಡಾ. ಮೈಕೆಲ್ ಓಮ್, ಇಡೀ ತಾಲೂಕಿನ ಜನರ ಮೌಖಿಕ ಆರೋಗ್ಯ ಅಗತ್ಯಗಳನ್ನು ಪೂರೈಸಲು ದಂತ ಚಿಕಿತ್ಸಾಲಯವನ್ನು ಪ್ರಾರಂಭಿಸಿದರು.

ಡಾ. ಓಂ ಇಂಡೋ ಜರ್ಮನ್ ಆಸ್ಪತ್ರೆ ಎಂದು ಕರೆಯಲ್ಪಡುವ “ಡಾ. ಓಂ ದಂತ ಚಿಕಿತ್ಸಾಲಯ”ವನ್ನು 2008 ರಲ್ಲಿ ಉದ್ಘಾಟಿಸಲಾಯಿತು. ಈ ಬಹುಪಯೋಗಿ ಆಸ್ಪತ್ರೆಯು 25 ಹಾಸಿಗೆಗಳನ್ನು ಹೊಂದಿದ್ದು, ಕ್ಷಯರೋಗ, ಎಚ್ಐವಿ, ಕಣ್ಣಿನ ಪೊರೆ ರೋಗಿಗಳಿಗೆ ಆರೋಗ್ಯ ಸೇವೆಗಳನ್ನು ಒದಗಿಸುತ್ತದೆ ಮತ್ತು ಮಕ್ಕಳ ರೋಗಗಳು ಮತ್ತು ಸಾಮಾನ್ಯ ಆರೋಗ್ಯ ಸಮಸ್ಯೆಗಳನ್ನು ಸಹ ಪರಿಹರಿಸುತ್ತದೆ. ಅಗತ್ಯವಿರುವವರಿಗೆ ಮತ್ತು ಬಡವರಿಗೆ ಹಾಗೂ ಶಾಲಾ ಮಕ್ಕಳಿಗೆ ಉಚಿತ ಚಿಕಿತ್ಸೆ ಸೇರಿದಂತೆ ಎಲ್ಲರಿಗೂ ಹೆಚ್ಚಿನ ರಿಯಾಯಿತಿ ದರದಲ್ಲಿ ದಂತ ಚಿಕಿತ್ಸೆಯನ್ನು ನೀಡುತ್ತದೆ.

ಡಾ. ಓಂ ಇಂಡೋ ಜರ್ಮನ್ ಆಸ್ಪತ್ರೆಯಲ್ಲಿ ಎರಡು ಸುಸಜ್ಜಿತ ಆಪರೇಷನ್ ಥಿಯೇಟರ್‌ಗಳಿವೆ. ವರ್ಷಕ್ಕೆ ಎರಡು ಬಾರಿ ಜರ್ಮನಿಯ ವೈದ್ಯರ ತಂಡವು ಒಂದು ತಿಂಗಳ ಕಾಲ ಭೇಟಿ ನೀಡಿ ಎಲ್ಲಾ ಸಾಮಾನ್ಯ ಶಸ್ತ್ರಚಿಕಿತ್ಸಾ ಪ್ರಕರಣಗಳಿಗೆ ಉಚಿತ ಶಸ್ತ್ರಚಿಕಿತ್ಸಾ ಸೇವೆಗಳನ್ನು ನೀಡುತ್ತದೆ.