ನಾಳೆ ಚಿತ್ತಾಪುರ ಹಜರತ್ ಮಹೆಬೂಬ್ ಸುಭಾನಿ ದರ್ಗಾದ 95 ನೇ ಜಾತ್ರಾ ಮಹೋತ್ಸವ
ರಾಧಾಕೃಷ್ಣ ದೊಡ್ಡಮನಿ ಗೆಲುವಿಗೆ ಹರಕೆ ಹೊತ್ತಿದ ವಿಠಲ್ ಕಟ್ಟಿಮನಿ ಅವರಿಂದ ದೀಡ್ ನಮಸ್ಕಾರ
ನಾಗಾವಿ ಎಕ್ಸಪ್ರೆಸ್
ಚಿತ್ತಾಪುರ: ಪಟ್ಟಣದ ಕಾಶಿ ಏರಿಯಾದ ಹಜರತ್ ಮಹೆಬೂಬ್ ಸುಭಾನಿ ದರ್ಗಾದ 95 ನೇ ಜಾತ್ರಾ ಮಹೋತ್ಸವ ನಿಮಿತ್ತ ಅ.14 ರಂದು ಗಂಧೋತ್ಸವ (ಸಂದಲ್) ಹಾಗೂ ಅ.15 ರಂದು ದೀಪೋತ್ಸವ (ಗ್ಯಾರಮಿ) ನಡೆಯಲಿದೆ ಎಂದು ಕಲ್ಯಾಣ ಕರ್ನಾಟಕ ಸಮಿತಿ (ಕರ್ನಾಟಕ ರಾಜ್ಯ ಭೋವಿ ವಡ್ಡರ ಮಹಾಸಭಾ) ಉಪಾಧ್ಯಕ್ಷ ವಿಠಲ್ ಎಸ್. ಕಟ್ಟಿಮನಿ ತಿಳಿಸಿದ್ದಾರೆ.
ವಂಶ ಪರಂಪರವಾಗಿ ಪ್ರತಿ ವರ್ಷದಂತೆ ಈ ವರ್ಷವೂ ಕೂಡ ಅ. 14 ಕಾಶಿ ಏರಿಯಾದ ಹಜರತ್ ಮೆಹೆಬೂಬ ಸುಭಾನಿ ದರ್ಗಾದ ಗಂಧ (ಸಂದಲ್) ಕಟ್ಟಿಮನಿ ನಿವಾಸದಿಂದ ದರ್ಗಾದವರಿಗೆ ಕಾರ್ಯಕ್ರಮ ಜಂಜೆ 7 ಗಂಟೆಗೆ ಜರುಗಲಿದೆ. ಹಾಗೂ ಅ. 15 ರಂದು ಗ್ಯಾರಮಿ ಮಹಾಪ್ರಸಾದ ಮಧ್ಯಾಹ್ನ 1 ರಿಂದ 4 ವರೆಗೆ, ಸಂಜೆ 7 ಗಂಟೆಗೆ ದೀಪೋತ್ಸವ ನಡೆಯಲಿದೆ, ಆದ್ದರಿಂದ ಕಾಶಿ ಏರಿಯಾದ ಭೋವಿ ವಡ್ಡರ ಸಮಾಜ ಬಂಧು ಹಾಗೂ ಭಗಿನಿಯರು ಮತ್ತೆ ಸಾರ್ವಜನಿಕರು ಈ ಸಮಾರಂಭದಲ್ಲಿ ಭಾಗವಹಿಸಿ ದೇವರ ಕೃಪೆಗೆ ಪಾತ್ರರಾಗಬೇಕು ಹಾಗೂ ಪ್ರಸಾದ ಸ್ವೀಕರಿಸಬೇಕೆಂದು ಕೋರಿದ್ದಾರೆ.
ರಾಧಾಕೃಷ್ಣ ದೊಡ್ಡಮನಿ ಗೆಲುವಿಗೆ ಹರಕೆ ಹೊತ್ತಿದ ವಿಠಲ್ ಕಟ್ಟಿಮನಿ ಅವರಿಂದ ದೀಡ್ ನಮಸ್ಕಾರ: ಲೋಕಸಭಾ ಚುನಾವಣೆಯಲ್ಲಿ ಕಾಂಗ್ರೆಸ್ ಪಕ್ಷದ ಅಭ್ಯರ್ಥಿಯಾಗಿದ್ದ ರಾಧಾಕೃಷ್ಣ ದೊಡ್ಡಮನಿ ಅವರ ಗೆಲುವಿಗಾಗಿ ದೇವರ ಕಾರ್ಯ ಮಾಡುವುದು ಹಾಗೂ ದೀಡ್ ನಮಸ್ಕಾರ ಹಾಕುವುದಾಗಿ ಹರಕೆ ಮಾಡಿದ್ದೆ, ಅದರಂತೆ ಚುನಾವಣೆಯಲ್ಲಿ ರಾಧಾಕೃಷ್ಣ ದೊಡ್ಡಮನಿ ಅವರು ಗೆಲುವು ಸಾಧಿಸಿದ್ದಾರೆ ಹೀಗಾಗಿ ನನ್ನ ಹರಕೆ ಈಡೇರಿದೆ ನನಗೂ ಬಹಳ ಸಂತೋಷವಾಗಿದೆ, ಹೀಗಾಗಿ ಅ.14 ರಂದು ಗಂಧೋತ್ಸವ ದಿನದಂದು ಮನೆಯಿಂದ ದರ್ಗಾದವರೆಗೆ ದೀಡ್ ನಮಸ್ಕಾರ ಹಾಕುವುದಾಗಿ ವಿಠಲ್ ಕಟ್ಟಿಮನಿ ತಿಳಿಸಿದ್ದಾರೆ.