ಚಿತ್ತಾಪುರ: ತುಕಾರಾಮ ಖೀರು ನಾಯಕ ತಾಂಡಾದಲ್ಲಿ 2 ನೇ ವರ್ಷದ ನವರಾತ್ರಿ ಉತ್ಸವ, ದಾಂಡಿಯಾ ನೃತ್ಯ ಸ್ಪರ್ಧೆ ಕಾರ್ಯಕ್ರಮ
ನಾಗಾವಿ ಎಕ್ಸಪ್ರೆಸ್
ಚಿತ್ತಾಪುರ: ಪಟ್ಟಣದ ತುಕಾರಾಮ ಖೀರು ನಾಯಕ ರಾಠೋಡ ಸ್ಟೇಷನ್ ತಾಂಡಾದಲ್ಲಿ ಜೈ ಮಾತಾದಿ ನವರಾತ್ರಿ ಉತ್ಸವ ಸಮಿತಿ ವತಿಯಿಂದ ಎರಡನೇ ವರ್ಷದ ನವರಾತ್ರಿ ಉತ್ಸವ ಕಾರ್ಯಕ್ರಮದ ನಿಮಿತ್ತ ಭಾನುವಾರ ರಾತ್ರಿ ಹಮ್ಮಿಕೊಂಡಿದ್ದ ದಾಂಡಿಯಾ ಗ್ರ್ಯಾಂಡ್ ಫೀನಾಲೇ ಸೀಸನ್ 1 ನೃತ್ಯ ಸ್ಪರ್ಧೆ ಕಾರ್ಯಕ್ರಮವು ಬಹಳ ಅದ್ದೂರಿಯಾಗಿ ನೆರವೇರಿತು.
ಈ ಕಾರ್ಯಕ್ರಮದಲ್ಲಿ ಬೀದರ, ಸೇಡಂ, ಸ್ಟೇಷನ ತಾಂಡಾದ ತಂಡಗಳು ಭಾಗಿಯಾಗಿದ್ದವು. ಭಾರತೀಯ ಜನತಾ ಪಕ್ಷದ ತಾಲೂಕು ಅಧ್ಯಕ್ಷ ರವೀಂದ್ರ ಸಜ್ಜನಶೆಟ್ಟಿ ಉದ್ಘಾಟಿಸಿದರು. ಮುಖ್ಯ ಅತಿಥಿಗಳಾಗಿ ಬಿಜೆಪಿ ಮುಖಂಡ ಗೋಪಾಲ ರಾಠೋಡ, ಯುವ ಉದ್ಯಮಿಗಳಾದ ವಿಶ್ವರಾಧ್ಯ ನಾಗರೆಡ್ಡಿ ಪಾಟೀಲ, ನೇಹಾಲ್ ಪಾಟೀಲ, ಆನಂದ ಪಾಟೀಲ ನರಬೋಳಿ, ನಾಗುಬಾಯಿ ಜಿತುರೆ, ಸಿದ್ದು ನಿಪ್ಪಾಣಿ, ವಿಜಯ ಯಾಗಾಪುರ ಆಗಮಿಸಿದ್ದರು.
ತಾಂಡಾದ ನಾಯಕರಾದ ತುಕಾರಾಮ ಖೀರು ನಾಯಕ, ರವೀಂದ್ರ ನಾಯಕ, ರಾಮ ನಾಯಕ, ಚಂದ್ರಾಮ ಡಾವ, ಕಿಶನ ಕಾರಭಾರಿ, ಚಂದರ ಮೋಟನಳ್ಳಿ, ನವರಾತ್ರಿ ಉತ್ಸವ ಸಮಿತಿ ಅಧ್ಯಕ್ಷ ಅನೀಲ್ ಚವ್ಹಾಣ, ಟ್ರಸ್ಟಿನ ಅಧ್ಯಕ್ಷ ನಾಗೇಂದ್ರ ರಾಠೋಡ, ಲಕ್ಷ್ಮಣ ಚವ್ಹಾಣ, ಸುರೇಶ ಚವ್ಹಾಣ, ರಮೇಶ ರಾಠೋಡ, ವಿಠ್ಠಲ್ ರಾಠೋಡ, ಅಶೋಕ ಪೂಜಾರಿ, ರಾಮ ರಾಠೋಡ, ಚತ್ರು ರಾಠೋಡ, ಆಕಾಶ ಚವ್ಹಾಣ, ವೆಂಕಟೇಶ ಜಾಧವ, ವಿನೋದ ಚೌಕಲಾ, ರಮೇಶ ಪವಾರ, ರಾಜು ಚವ್ಹಾಣ, ಶಿವರಾಮ ಚವ್ಹಾಣ, ಅಶ್ವಥ ರಾಠೋಡ ಸೇರಿದಂತೆ ತಾಂಡಾದ ಸಾವಿರಾರು ಜನರು ಉಪಸ್ಥಿತರಿದ್ದರು. ಆಕಾಶ ಚವ್ಹಾಣ ನಿರೂಪಿಸಿದರು, ಛತ್ರು ಮಾಸ್ಟರ್ ವಂದಿಸಿದರು.
ಪ್ರಥಮ ಬಹುಮಾನ 21 ಸಾವಿರ ಸ್ಟೇಷನ್ ತಾಂಡಾ, ದ್ವಿತೀಯ ಬಹುಮಾನ 11 ಸಾವಿರ ಬೀದರ್, ತೃತೀಯ ಬಹುಮಾನ 5 ಸಾವಿರ ಸೇಡಂ ತಂಡಗಳು ಪಡೆದುಕೊಂಡಿವೆ ಎಂದು ಶಿವರಾಮ್ ಚವ್ಹಾಣ ತಿಳಿಸಿದ್ದಾರೆ.