ದರ್ಶನ್ ಖೈದಿ 6106, 511 ನಂಬರ್ ಚಿತ್ತಾಪುರದಲ್ಲಿಯೂ ಟ್ರೆಂಡಿಂಗ್ ಮೊಬೈಲ್, ವಾಹನದ ಮೇಲೂ ಸ್ಟಿಕ್ಕರ್
ನಾಗಾವಿ ಎಕ್ಸಪ್ರೆಸ್
ಚಿತ್ತಾಪುರ: ದರ್ಶನ್ ಖೈದಿ ನಂಬರ್ 6106 ಮತ್ತು 511 ಅನ್ನು ವಾಹನದ ನಂಬರ್ ಪ್ಲೇಟ್‌ಗಳಾಗಿ ಹಾಕಿಸಿಕೊಳ್ಳುತ್ತಿರುವುದು ಅಷ್ಟೇ ಅಲ್ಲ ದರ್ಶನ್ ಆರೋಪಿ ಅಷ್ಟೇ, ಅಪರಾಧಿ ಅಲ್ಲ ಎನ್ನುವ ಬರಹ ದ್ವಿಚಕ್ರ ವಾಹನದ ಮೇಲೆ ರಾರಾಜಿಸುತ್ತಿದೆ.
ದರ್ಶನ್ ಏಲ್ಲೇ ಇರಲಿ, ಹೇಗೆ ಇರಲಿ ಅವರನ್ನು ಬಿಟ್ಟು ಕೊಡುವ ಮಾತೇ ಇಲ್ಲ ಅಂತ ಫ್ಯಾನ್ಸ್ ಮತ್ತೆ ಪ್ರೂವ್ ಮಾಡಿದ್ದಾರೆ. ನಟನ ಮೇಲಿನ ಹುಚ್ಚು ಅಭಿಮಾನಕ್ಕೆ ಕೈ ಮತ್ತು ಮೈ ಮೇಲೆ ಟ್ಯಾಟೂ ಮಾತ್ರವಲ್ಲ ಕಾರು, ಬೈಕಿನ ಮೇಲಿಯೂ ಕೂಡ ದರ್ಶನ್‌ಗೆ ನೀಡಿರುವ ಖೈದಿ ನಂಬರ್ ಪರಪ್ಪನ ಅಗ್ರಹಾರದ 6106 ಮತ್ತು ಬಳ್ಳಾರಿ ಕಾರಾಗೃಹದ 511 ಅನ್ನು ವಾಹನದ ನಂಬರ್ ಪ್ಲೇಟ್‌ಗಳಾಗಿ ಹಾಕಿಸಿಕೊಳ್ಳುತ್ತಿರುವ ಟ್ರೆಂಡಿಂಗ್ ಬೇರೆ ಕಡೆ ಕಂಡುಬರುತ್ತಿತ್ತು ಆ ಟ್ರೆಂಡಿಂಗ್ ಈಗ ಚಿತ್ತಾಪುರ ತಾಲೂಕಿನಲ್ಲಿಯೂ ಕಂಡು ಬಂದಿದ್ದು ವಿಶೇಷ.
ನಿಯಮದ ಪ್ರಕಾರ, ನಂಬರ್ ಪ್ಲೇಟ್‌ ಅನ್ನು ವಿರೂಪಗೊಳಿಸುವ ಹಾಗಿಲ್ಲ. ಆದರೆ ವಾಹನ ಸವಾರರಿಗೆ ಅದು ಯಾವುದು ಲೆಕ್ಕಿಕ್ಕಿಲ್ಲಂದಂತಾಗಿದೆ.
ನಟ ದರ್ಶನ್ ಇದೀಗ ರೇಣುಕಾಸ್ವಾಮಿ ಕೊಲೆ ಪ್ರಕರಣದಲ್ಲಿ ಅರೆಸ್ಟ್ ಆಗಿದ್ದಾರೆ. ಇದರ ಮದ್ಯೆ ಅಭಿಮಾನಿಗಳು ದರ್ಶನ್ ಖೈದಿ ನಂಬರ್ ಇಟ್ಕೊಂಡು ಕೈ ಮೇಲೆ, ಮೈ ಮೇಲೆ ಟ್ಯಾಟೂ ಹಾಕಿಸಿಕೊಂಡು ಹೊಸ ಟ್ರೆಂಡಿಂಗ್ ಸೃಷ್ಟಿಸಿದ್ದಾರೆ.